Æfingarsvæði og breytingar á uppröðun gáma

Nú er nýja æfingasvæðið að taka á sig mynd.  Til útskýringa hvernig gámarnir uppraðast nú þá eru settagámurinn og gámurinn sem geymir lauslegt dót i eigu klúbbsins bakhliðin á útsláttarsvæði á nýju æfingarsvæði.  Þannig veita þeir skjól og virka ekki ólíkt básum þegar upp er staðið.  Við munum klæða þá gáma með bárustáli og gróðursetja bílastæðismegin við þá þannig að þeir munu ekki líta út sem gámar eftir að það er búið. 

Hvíti Ragnars og Ásgeirsgámurinn "screenar" af púttsvæðið frá útsláttarsvæðinu þannig að þeir sem eru að pútta séu ekki í lífshættu þegar undirritaður æfir sig með driverinn.  Verkfæragámurinn verður málaður en hann veitir einnig skjól fyrir púttsvæðið.  Hugmyndin er að gróðursetja einnig bílastæðismegin við þessa báða gáma.

ATHUGIÐ:
Þeir sem áttu sett í gamla bláa gámnum er bent á að sækja settin sín sem allra fyrst, en þau eru nú inni í skálanum.  Hægt er að kaupa pláss í settagámnum eða leigja.  Vilji félagar leigja eða kaupa vinsamlega hafið samband við gjaldkera, ÞM í síma 898-5463