Fréttir af Sveitarkeppni kvenna

Fyrsti leikur dagsins var á milli GVG og GÓ (golfklúbb Ólafsfjarðar) og fóru leikar 1-2  (við fengum einn vinning á móti tveim töpum).  Hugrún vann sinn leik á 15. braut, Dóra tapaði á 17. braut og Mæja og Jófríður töpuðu á 17. braut.

Næsti leikur var gegn langsterkasta liði annarrar deildar, GS (golfklúbbi Suðurnesja).  þar fóru leikar einnig 1-2.  Þar unnu Dóra og Eva í bráðabana á 19. braut.  Mæja tapaði á 15. braut og Jófríður á 12. braut.  Stelpurnar okkar voru að spila fantavel í dag og vonandi halda þær því áfram.  Á morgun verður spilað fyrst á móti GP (golfklúbbi Patreksfjarðar) en síðar hefjast fyrri undanúrslit.

Liðstjórinn, Gústi Jóns, bað að skila góðum hveðjum heim til allra félaga Vestarr.  Við sem heima sitjum sendum þeim baráttu kveðjur.